En el año 1924 comézase a xestionar a fundación dun equipo de fútbol na parroquia de Barallobre, non obstante non se funda a devandita entidade ata o 14 de xaneiro de 1928, ano en que aparece datada a acta fundacional; se ben desde o ano 1926 un grupo de mozos que adquiriron un balón de coiro xa practicaban o fútbol enfrentándose aos "Onces" que non eran outros que clubes como o Aceiro, Europa, (ambos de Ferrol) entre outros.Pero os encontros máis interesantes e de maior rivalidade eran o Sporting da Pedreira e o Eume.

Como dicíamos anteriormente no ano 1928 constitúese a entidade que recibiría o nome de Deportivo Barallobre.Aquela Xunta Directiva estaba presidida por D. Ramón Nieto Díaz, asistindo á asemblea fundacional D. Bernardo Díaz, José Deus,Ramiro Díaz, Anxo Martínez, Amador Fernández, Francisco Vibero,Luis Permuy, Antonio Maceiras, Manuel Fernández, José Pérez,Fernando Rodríguez, Francisco Rodríguez, Francisco Fernández,Abelardo Pedreiras e Juan Amenedo.
Ata este ano o Deportivo Barallobre xogaba os seus partidos no campo da Liga de Amigos, un campo que apenas media 50 metros de longo. Coincidindo coa constitución legal do clube e a súa presentación na liga comarcal de modestos cambia de terreo de xogo e desprázase ao campo do Pazo que tiña unhas dimensións de 105 x 63.
Este mesmo ano o Deportivo Barallobre queda subcampión da bisbarra despois de disputar a final do trofeo no campo da Pedreira en Mugardos.
Naquela competición participaban clubes como o Sporting da Pedreira, Eume, Neda, clubes todos eles de certa categoría.
Aquel primeiro equipo estaba formado por Pablo, Alonso,Velascuin I, José María, Santitos, Porto, Taibo, Filgueira, Agapito,Mera, Velascuin II, Paco e Fernandiño .Este primeiro equipo de modestos vestía a seguinte indumentaria: camisetas a franxas negras e amarelas e pantalóns negros.
Ata o ano 1932 o Deportivo Barallobre xoga no campo do Pazo. Neste ano constrúese un novo campo denominado Conde Cadeas, situado en fronte á estrada do Ferrocarril, era unha campo grande se ben tiña a dificultade da caída (desnivel); neste campo e coincidindo coa inaguración do Monumento ao Camiñante en Barallobre celébrase un partido de fútbol cun club da Coruña, partido que gañaron os de Barallobre. Coincidindo coa guerra civil española o fútbol na bisbarra sofre un dos momentos máis difíciles da súa historia e proba diso é o decaemento deste deporte tamén na parroquia de Barallobre.
No ano 1952 os veciños de Barallobre Srs Manuel Permuy Vizoso,José Gabín Rocha, Juan José Ríos Rodriguez e Francisco Pérez Balado, diríxense ao Goberno Civil Da coruña solicitando a autorización pertinente para refundar a entidade, sendo denegada indicando únicamente o goberno civil “non procede" segundo se testemuña na documentación do goberno civil que se encontra no Arquivo Histórico do Reino de Galicia.
No ano 1953 o Sr. Permuy Vizoso faise cargo da xerencia da entidade conxuntamente cos Sr.es. Rodríguez, Pérez, Brage, Cabana entre outros, esta xunta directiva cambia as cores deportivas do club, camisetas verdes e pantalóns verdes; por aquel entón a entidade práctica o fútbol modesto no lugar do Olmo.
Posteriormente no ano 1960 o Barallobre viviría unha época dourada.
A década dos anos sesenta será sen dúbida ningunha o verdadeiro despegue da entidade no apartado deportivo . No ano 1960 recolle a xerencia do club D. Arsenio Espada Rodríguez acompañado na xunta directiva polos Sr.es. Brage, Pedreira, González, Moure, Pantín entre outros. Por aquel entón o equipo de modestos estaba formada polos xogadores Bello, Fernández, Lolo, José María, Anxo, Tenreiro, Romeiro, Leira, Landrove, Manolo, Díaz e Seselle .
Moi pronto deu froitos o traballo da xunta directiva e na tempada 61/62 proclamouse campión de liga no seu grupo sen coñecer a derrota .Todos os encontros nos que o Barallobre era local tiveron lugar no campo de Santa Rosa, situado no lugar das Pedregosas.
Na devandita tempada tiveron lugar dúas asembleas xenerais de socios celebradas no Concello de Fene segundo figura nos escritos de aprobación de asembleas de entidades do goberno civil, estas celebráronse os días 3/09/1961 ás 10:30 horas e o 10/12/1961 .Nas devanditas asembleas non sufriu variación ningunha da xunta directiva. No ano seguinte a entidade repara un balón regulamentario na capital de España polo prezo de 45 Pts., indicando o fabricante que non compensa a reparación ao estar por estar o balón en moi mal estado e achegando unha tarifa de balóns de regulamento no que os prezos oscilan dende as 250 Pts. o máis caro na 1ª división ás 90 Pts ,o balón regulamentario dos 12 galos. Ata o ano 1964 o Barallobre que viña xogando no campo de Santa Rosa trasládase actual campo do Ramo, un campo de 100 x 65 situado no lugar que dá nome ao campo na parroquia de Barallobre.
Na tempada 62/63 a entidade presenta un equipo á competición local de xuvenís, o devandito equipo non tivo moito éxito, pero non tardaron moito os triunfos e na tempada 63/64 clasifícase en segundo lugar da táboa clasificatoria. Pero foi na tempada 65/66 e sen perder un só partido cando conqueriu o campionato xuvenil do seu grupo, chegando na fase de campións á final onde cae derrotado na quenda de penaltis ante o Cambre.